Mates na cociña. Ángulos, polígonos e outras froitas...

Hoxe preparando a merenda, a base de froita, deume por xogar coa laranxa. O primeiro que se me ocorreu foi colocar deste xeito os cuarteiróns. Quedeime mirando e empezaron a xurdirme preguntas que vos transmito a vós.

Canto mide cada ángulo que forman os cuarteiróns (supoñendo que fosen todos iguais)?

Todas a laranxas teñen 10 cuarteiróns?

Que polígono se forma se unimos todas as puntas? Será un polígono regular (cos lados e ángulos iguais)?

Como sempre vos digo, facendo preguntas e buscando respostas (aínda que non as atopemos) é como máis se aprende.

Que preguntas se vos ocorren a vós?

Con esta entrada queda inaugurada a sección "mates na cociña", QUE RICOOOO !

Comida sana, mente sana !!!