O caparazón do nautilus

O divulgador matemático Marcus de Sautoy fai unha visita a uns Nautilus para despois explicar o segredo que se esconde detrás do crecemento do seu caparazón en forma de espiral. Falamos deste animal a cando vimos o vídeo de "Nature by Numbers" de Cristobal Vila.

Xogo de cálculo mental

Algún día estivemos xogando en clase con esta web para practicar o cálculo mental con divisións, multis e descomposición factorial.

Despois do éxito do xogo, deixo o enlace por se queredes practicar en casa.

https://www.educaplus.org/game/calculo-mental-division

Boa semana !!!

 💓 

 

 

Potencias

Por aclamación popular déixovos aquí a pegadiza canción de Troncho e Poncho sobre POTENCIAS.

O pentagrama esotérico e o número de ouro

No vídeo "Nature by numbers" de Cristobal Vila aparecía a proporción aurea e como esa relación está presente na natureza, por exemplo na forma de medrar as polas das árbores ou as sementes en moitas flores. Este vídeo fala un pouco máis sobre o tema, relacionando o número áureo co pentagrama (símbolo da escola pitagórica da Antiga Grecia). O vídeo é un pouco longo e con ritmo lento...

Quebracabezas binario

Como sei que varios de vós sodes moi fans do "quebracabezas binario" que fixemos en clase, deixo aquí un novo para que o resolvades se queredes.

Xa sabedes as regras:

• Hai que encher con ceros e uns todas as casillas
• Ten que haber tantos ceros como uns en todas as filas e en todas as columnas
• Non pode haber máis de 2 ceros consecutivos (en filas ou columnas) nin máis de 2 uns seguidos.

Tamén deixo unha APP para móbil ou tablet android con quebracabezas deste tipo. Chámase "Mr Binario". Éste é o seu aspecto no Play Store.

Ollo! os quebracabezas desta APP teñen unha particularidade: Non pode haber dúas filas ou dúas columnas idénticas. Así que cando esteades atascados, hai que arriscar un pouco e ver se poñendo "cero" ou "un" non queda ningunha fila ou columna igual a outra. É un pouco máis difícil, pero mola.

Coidado !!  Engancha moito. É moi ADICTIVA !! 😜

LEMBRADE USAR AS PANTALLAS CON MODERACIÓN

Mix de retos

Nesta entrada vos deixo un mix de retos para que lle deades ao coco e pasedes o rato. Son parecidos aos que fixestes nalgún obradoiro do Circula. Están as solucións, pero a gracia é pensar ata conseguilo sen miralas.

Facede clic na imaxe

Ilusións ópticas

Interesante vídeo sobre ilusións ópticas. É curioso como, ás veces, o cerebro nos engana co que percibimos polos ollos.