Esta APP para practicar as táboas de multiplicar é moi cómoda e dinámica.
Clic na imaxe
Actividades, retos, curiosidades, enlaces e recursos relacionados coas mates de primaria, especialmente do segundo e terceiro ciclo.
En sociais traballades as coordenadas xeográficas (paralelos e meridianos) e tamén falamos delas en clase de mates de cando en vez. Noemia tamén vos falou algunha vez de mapamundis e das proxeccións de Marcator e Gall-Peters.
Aquí vos deixo un enlace a un vídeo dunha serie de ficción chamada "Ala oeste da Casa Branca" que fala sobre este tema e que nos pode axudar a reflexionar e replantexarnos algunhas cousas...
"No puede hacer eso, me está volviendo loca..."
Espero que vos guste e vos faga pensar que todo é relativo...
Nesta entrada propóñovos un par de RETOS nos que tedes que averiguar o valor duns ángulos.
Para poder resolver os enigmas tedes que ter claros conceptos da trigonometría como: ángulos complementarios, suplementarios, opostos polo vértice, ángulos adxacentes, suma dos ángulos internos dun tríángulo... Pero ollo, a intuición tamén fai moito !!
Ánimo e a por eles !!!
Estes días estamos traballando en clase de medidas e múltiplos e submúltiplos (km, m, cm, mm, micras...). Nesta vídeo-montaxe tedes unha viaxe ata moi moi lonxe para despois voltar ata moi moi cerca...
Seguindo co tema das unidades de medida, aquí vos deixo unha curiosidade sobre a historia reciente do kilogramo.
Como dixemos en clase, as unidades de medida son patróns cos que comparamos o que medimos para poder dicir "cantas veces caben dentro" diso que queremos medir. Lóxicamente, estes patróns non poden cambiar co tempo. Recordades a unidade de medida de lonxitude exipcia chamada "codo"? Non era un codo diferente en función da persoa, fixeron patróns de madeira que repartiron por todo o reino.
Espero que desfrutedes desta curiosidade do kilogramo. Tampouco pasou hai tanto tempo. Se non entendedes a parte final, non vos preocupedes, en 3º ou 4º da ESO volveran a falarvos diso.